दोहा :
श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
चौपाई :
(1) जय हनुमान ज्ञान गुन सागर। जय कपीस तिहुं लोक उजागर।।
(2) रामदूत अतुलित बल धामा। अंजनि-पुत्र पवनसुत नामा।।
(3) महाबीर बिक्रम बजरंगी। कुमति निवार सुमति के संगी।।
(4) कंचन बरन बिराज सुबेसा। कानन कुंडल कुंचित केसा।।
हाथ बज्र औ ध्वजा बिराजै। कांधे मूंज जनेऊ साजै।।
संकर सुवन केसरीनंदन। तेज प्रताप महा जग बन्दन।।
विद्यावान गुनी अति चातुर। राम काज करिबे को आतुर।।
प्रभु चरित्र सुनिबे को रसिया। राम लखन सीता मन बसिया।।
सूक्ष्म रूप धरि सियहिं दिखावा। बिकट रूप धरि लंक जरावा।।
भीम रूप धरि असुर संहारे। रामचंद्र के काज संवारे।।
लाय सजीवन लखन जियाये। श्रीरघुबीर हरषि उर लाये।।
रघुपति कीन्ही बहुत बड़ाई। तुम मम प्रिय भरतहि सम भाई।।
सहस बदन तुम्हरो जस गावैं। अस कहि श्रीपति कंठ लगावैं।।
सनकादिक ब्रह्मादि मुनीसा। नारद सारद सहित अहीसा।।
जम कुबेर दिगपाल जहां ते। कबि कोबिद कहि सके कहां ते।।
तुम उपकार सुग्रीवहिं कीन्हा। राम मिलाय राज पद दीन्हा।।
तुम्हरो मंत्र बिभीषन माना। लंकेस्वर भए सब जग जाना।।
जुग सहस्र जोजन पर भानू। लील्यो ताहि मधुर फल जानू।।
प्रभु मुद्रिका मेलि मुख माहीं। जलधि लांघि गये अचरज नाहीं।।
दुर्गम काज जगत के जेते। सुगम अनुग्रह तुम्हरे तेते।।
चौपाई :
राम दुआरे तुम रखवारे। होत न आज्ञा बिनु पैसारे।।
सब सुख लहै तुम्हारी सरना। तुम रक्षक काहू को डर ना।।
आपन तेज सम्हारो आपै। तीनों लोक हांक तें कांपै।।
भूत पिसाच निकट नहिं आवै। महाबीर जब नाम सुनावै।।
नासै रोग हरै सब पीरा। जपत निरंतर हनुमत बीरा।।
संकट तें हनुमान छुड़ावै। मन क्रम बचन ध्यान जो लावै।।
सब पर राम तपस्वी राजा। तिन के काज सकल तुम साजा।।
और मनोरथ जो कोई लावै। सोइ अमित जीवन फल पावै।।
चारों जुग परताप तुम्हारा। है परसिद्ध जगत उजियारा।।
साधु-संत के तुम रखवारे। असुर निकंदन राम दुलारे।।
अष्ट सिद्धि नौ निधि के दाता। अस बर दीन जानकी माता।।
राम रसायन तुम्हरे पासा। सदा रहो रघुपति के दासा।।
तुम्हरे भजन राम को पावै। जनम-जनम के दुख बिसरावै।।
अन्तकाल रघुबर पुर जाई। जहां जन्म हरि-भक्त कहाई।।
और देवता चित्त न धरई। हनुमत सेइ सर्ब सुख करई।।
संकट कटै मिटै सब पीरा। जो सुमिरै हनुमत बलबीरा।।
जै जै जै हनुमान गोसाईं। कृपा करहु गुरुदेव की नाईं।।
जो सत बार पाठ कर कोई। छूटहि बंदि महा सुख होई।।
जो यह पढ़ै हनुमान चालीसा। होय सिद्धि साखी गौरीसा।।
तुलसीदास सदा हरि चेरा। कीजै नाथ हृदय मंह डेरा।।
दोहा :
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
सियावर रामचंद्र की जय।।
Hanuman Chalisa (English)
Introductory Doha :
shrī guru charan saroj ruj, nij man mukuru sudhari।
baranau raghuber bimal jasu, jo dayaku phal chari॥
budhiheen tanu janike, sumirau pavan-kumar।
bal budhi vidya dehu mohi, harahu kales vikaar॥
Chaupai :
jaya hanumāna gnyāna guna sāgara। jaya kapīsa tihu loka ujāgara॥ 1 ॥
rāma dūta atulita bala dhāmā। anjani putra pavanasuta nāmā॥ 2 ॥
mahāvīra vikrama bajarangī। kumati nivāra sumati ke sangī॥ 3 ॥
kanchana barana birāja subesā। kānana kundala kunchita kesā॥ 4 ॥
hātha bajra au dhvajā birājai। kādhe mūnja janeū sājai॥ 5 ॥
shankara suvana kesarī nandana। teja pratāpa mahā jaga bandana॥ 6 ॥
vidyāvāna gunī ati chātura। rāma kāja karibe ko ātura॥ 7 ॥
prabhu charitra sunibe ko rasiyā। rāma lakhana sītā mana basiyā॥ 8 ॥
sūkshma rūpa dhari siyahi dikhāvā। bikata rūpa dhari lanka jarāvā॥ 9 ॥
bhīma rūpa dhari asura sahāre। rāmachandra ke kāja savāre॥ 10 ॥
lāya sanjīvani lakhana jiyāe। shrī raghubīra harashi ura lāe॥ 11 ॥
raghupati kīnhī bahut badāī। tuma mama priya bharatahi sama bhāī॥ 12 ॥
sahasa badana tumharo jasa gāvai। asa kahi shrīpati kantha lagāvai॥ 13 ॥
sanakādika brahmādi munīsā। nārada sārada sahita ahīsā॥ 14 ॥
jama kubera dikpāla jahā te। kabi kobida kahi sakai kahā te॥ 15 ॥
tuma upakāra sugrīvahi kīnhā। rāma milāya rājapada dīnhā॥ 16 ॥
tumharo mantra bibhīshana mānā। lankeshvara bhae saba jaga jānā॥ 17 ॥
juga sahasra jojana para bhānū। līlyo tāhi madhura phala jānū॥ 18 ॥
prabhu mudrikā meli mukha māhī। jaladhi lāghi gaye acharaja nāhī॥ 19 ॥
durgama kāja jagata ke jete। sugama anugraha tumhare tete॥ 20 ॥
Chaupai :
rāma duāre tuma rakhavāre। hota na āgnyā binu paisāre॥ 21 ॥
saba sukha lahai tumhārī saranā। tuma rakshaka kāhū ko daranā॥ 22 ॥
āpana teja samhāro āpai। tinau loka hāka te kāpai॥ 23 ॥
bhūta pishācha nikata nahi āvai। mahābīra jaba nāma sunāvai॥ 24 ॥
nāsai roga harai saba pīrā। japata nirantara hanumata bīrā॥ 25 ॥
sankata te hanumāna chhudāvai। mana krama bachana dhyāna jo lāvai॥ 26 ॥
saba para rāma tapasvī rājā। tina ke kāja sakala tuma sājā॥ 27 ॥
aura manoratha jo koī lāvai। Sohi amita jīvana phala pāvai॥ 28 ॥
chāro juga para tāpa tumhārā। hai parasiddha jagata ujiyyārā॥ 29 ॥
sādhu santa ke tuma rakhavāre। asura nikandana rāma dulāre॥ 30 ॥
ashta siddhi nau nidhi ke dātā। asa bara dīnha jānakī mātā॥ 31 ॥
rāma rasāyana tumhare pāsā। sadā raho raghupati ke dāsā॥ 32 ॥
tumhare bhajana rāma ko pāvai। janama janama ke dukha bisarāvai॥ 33 ॥
anta kāla raghubara pura jāī। jahā janma hari bhakta kahāī॥ 34 ॥
aura devatā chitta na dharaī। hanumata sei sarba sukha karaī॥ 35 ॥
sankata katai mitai saba pīrā। jo sumirai hanumata balabīrā॥ 36 ॥
jaya jaya jaya hanumāna gosāī। kripā karahu gurudeva kī nāī॥ 37 ॥
jo shata bāra pātha kara koī। chhūtahi bandi mahā sukha hoī॥ 38 ॥
jo yaha padhai hanumāna chālīsā। hoya siddhi sākhī gaurīsā॥ 39 ॥
tulasīdāsa sadā hari cherā। kījai nātha hridaya maha derā॥ 40 ॥
Concluding Doha :
pavantanaya sankata harana mangala mūrati rūpa।
rāma lakhan sītā sahita hridaya basahu sura bhūpa॥
HANUMAN CHALISA - AUDIO AND VIDEO